MAFUNZO YA MAANDALIZI YA MPANGO MKAKATI WA SP KWA MIAKA 5 IJAYO KUANZIA 2026/2027–2030/2031

Posted on: January 30th, 2026

Katika kuendelea kuimarisha mifumo ya mipango na utekelezaji wa shughuli za maendeleo, Halmashauri imeendesha mafunzo ya maandalizi ya Mpango Mkakati (SP) wa miaka mitano kwa kipindi cha 2026/2027–2030/2031, yaliyofanyika kuanzia tarehe 29 hadi 30 Januari, 2026.

Mafunzo hayo yamefanyika katika Ukumbi wa Charles Magoma, yamewakutanisha Wakuu wa Divisheni na Vitengo pamoja na watendaji mbalimbali wa Halmashauri kwa lengo la kujenga uelewa wa pamoja kuhusu mchakato wa maandalizi ya Mpango Mkakati, kubaini vipaumbele vya maendeleo, pamoja na kuweka misingi thabiti ya utekelezaji wa mipango ya muda wa kati na mrefu.

Kupitia mafunzo hayo, Halmashauri inalenga kuhakikisha Mpango Mkakati unaandaliwa kwa ufanisi, kwa kuzingatia miongozo ya kitaifa na mahitaji halisi ya wananchi.