SHULE ZA MSINGI NA SEKONDARI ZATAKIWA KUENDELEZA ELIMU YA KUJITEGEMEA KUBORESHA LISHE KWA WANAFUNZI HALMASHAURI YA WILAYA MUSOMA

Posted on: May 16th, 2024

Leo Mei 16 ,2024 katika ukumbi wa Hospitali ya Halmashauri ya wilaya ya Musoma , Kikao cha Lishe robo ya tatu kuelezea utekelezaji wa Afua za Lishe kimefanyika kikiazimia kutoa msisitizo kwa Shule zote za Msingi na Sekondari kuendeleza Elimu ya kujitegemea kwa wanafunzi kuzalisha mazao ambayo yatasaidia kupata chakula shuleni.

Mkurugenzi wa Halmashauri ya Wilaya ya Musoma Ndg. Msongela Palela amesema mbali na kuendeleza Elimu ya kujitegemea, Idara ya Kilimo itoe ushirikiano wa kutosha katika shule hizo kwa kutoa elimu na ushauri wa Kilimo ili kufikia malengo yaliyokusudiwa.

Aidha Idara zimeeleza jinsi shule zinavyotekeleza Afua za Lishe ikiwa ni pamoja na kupanda miti ya matunda, kuanzisha bustani mashuleni pamoja na kuhimiza wazazi kuchangia chakula cha watoto wao.

Ndg. Palela amezitaka Idara zote kutekeleza bajeti zilizopangwa katika Idara hizo kwa wakati Ili kufikia malengo ya Mkataba wa Lishe Kwa Mwaka 2024/2024