Video

• 

  UUZAJI WA VIWANJA VYA MAKAO MAKUU

  December 7th, 2022

  Sasa unaweza kupata viwanja vilivyoko Makao makuu ya Halmashauri Mkabala na Hospitali ya Wilaya kwa bei nzuri sana.Wahi sasa kwa maana vimebaki vichache sana

• 

  KAYOMBO AKEMEA VITENDO VYA KISHIRIKINA BUGOJI

  October 13th, 2018

  Mkurugenzi wa Halmashauri ya Wilaya ya Musoma Ndg. John Lipesi Kayombo amewataka Diwani wa Kata ya Bugoji, Mwenyekiti wa Kijiji cha Bugoji, Wenyeviti wa kamati za msingi Kanderema ‘A’ na ‘B’ pamoja na wananchi kuhakikisha ndani ya mwezi mmoja vitendo vya kishirikina vinavyoendelea katika shule hizo vinatokomezwa.

  
  

  Mkurugenzi Kayombo ametoa maagizo hayo Jana Ijumaa 12, Oktoba 2018 wakati wa kikao cha pamoja kati yake na viongozi wa Kata ya Bugoji, viongozi wa Kijiji cha Bugoji, walimu wa shule za Msingi za Kanderema ‘A’ na Kanderema ‘B’ pamoja na wananchi wa Kijijij cha Bugoji.

  
  

  Kikao hicho kimefanyika baada ya kuripotiwa matendo mengi ya kishirikina wanayokutana nayo walimu pamoja na wanafunzi wa shule hizo tangu mwaka 2013 mpaka sasa.

  
  

  Matendo hayo ya kishirikina yaliyoripotiwa yakiwemo ya wanafunzi kuanguka darasani, kupotea kimazingara kwa vitu mbalimbali vikiwemo simu, mboga, kihifadhi chaji (power bank),kufunguliwa kwa milango, watoto wadogo kuwekwa uvunguni kimazingara, nyumba kufagiliwa na  tukio kubwa la mke wa Mwalimu Rawlence John ambaye ni Mkuu wa shule Kanderema ‘B’ kujifungua Kokwa za Parachichi zenye chale na hirizi nyeusi.

  
  

  Akizungumza wakati wa kikao hicho Mkurugenzi Kayombo aliwataka wananchi wa Kijiji cha Bugoji kuachana na dhana potofu ya ushirikina badala yake wawe msaada kwa walimu hao ili waweze kutimiza majukumu yao kiufasaha na hatimaye kuongeza ufaulu kwa wanafunzi.

  
  

  “Nimesikitika kusikia mambo ya kishirikina yanayoendelea kufanyika hapa, madaftari yanasahihishwa kimazingara, watoto wanasweka uvunguni, milango inafunguliwa kimazingara, wanafunzi wanaanguka hovyo madarasani ikaenda mbali zaidi mke wa Mwalimu Mkuu wa Shule ya Msingi Kenderema ‘B’ Mwl. Rawlence John kajifungua Kokwa mbili za Parachichi zenye chale na hirizi nyeusi kwa Kweli sio jambo jema” alisema Kayombo.

  
  

  “Uchawi wa namna hiyo katika karne hii haupo, tunahitaji uchawi wa maendeleo, tunahitaji hospitali, shule na barabara nzuri, huo ndio uchawi wa maendeleo” alisema Kayombo.

  
  

  “Naagiza Mh. Diwani wa Kata ya Bugoji, Mwenyekiti wa Kijiji cha Bugoji, Wenyeviti wa kamati za shule za msingi Kanderema ‘A’ na Kanderema ‘B’ pamoja na wananchi muhakikishe swala hili ndani ya mwezi mmoja liwe limekwisha” alisema Kayombo.

  
  

  Baada ya kumaliza kikao hicho Mkurugenzi Kayombo aliongoza na waalimu pamoja na viongozi wa Kijiji kwenda kuona nyumba wanazoishi walimu waliopatwa na maswahiba hayo.

• 

  SIMULIZI ZA MAFANIKIO MUSOMA DC

  May 28th, 2018

  Wazazi na wanajamii wote kwa ujumla  wajishangaa kwa kukumbushwa majukumu yao na huyu mtoto katika utangazaji wa simulizi za mafanikio katika kijiji cha Kwikuba Halmashauri ya Wilaya ya Musoma tarehe 25/05/2018