Bodi ya pamba Tanzania yatoa baiskeli Kwa wakulima wawezeshaji wa zao la pamba

Posted on: November 12th, 2024

Mhe. Mwenyekiti wa Halmashauri ya Wilaya ya Musoma Mhe. Charles Magoma leo Novemba 12, 2024 katika Ofisi za Makao Makuu ya Halmashauri zilizopo Suguti- Kwikonero, amekabidhi Baiskeli 25 Kwa wakulima wawezeshaji wa zao la pamba ndani ya Halmashauri ya Wilaya ya Musoma.

Akikabidhi baiskeli hizo 25 kutoka Bodi ya Pamba Tanzania  Kwa wakulima wawezeshaji wa zao hilo, Mhe. Charles Magoma  amewataka wakulima hao kusimamia ipasavyo uzalishaji wa zao  la pamba Ili lilete tija katika jamii yetu.

Aidha, Mwenyekiti wa CCM Wilaya ya Musoma Mhe. Denis Ekwabi amewataka wakulima wawezeshaji kuwa mfano bora na mabalozi wazuri wa zao la pamba katika Vijiji vyao. Sambamba na hilo amewachangia wakulima hao fedha za ufungaji wa baiskeli hizo Ili ziwe tayari Kwa matumizi ya usimamizi wa zao hilo la pamba.