CCM YASHINDA UCHAGUZI WA MAKAMU MWENYEKITI HALMASHAURI YA WILAYA YA MUSOMA

Posted on: September 17th, 2018

Halmashauri ya Wilaya ya Musoma imefanya kikao cha kawaida cha baraza la Madiwani ambapo agenda mbalimbali zilijadiliwa ikiwemo kumchagua Makamu Mwenyekiti wa Halmashauri hiyo.

Wagombea wawili walijitokeza kugombea nafasi hiyo ambao ni Diwani wa Kata ya Bugoji  Mh. Ibrahimundi M. Buruya kutoka Chama Cha Mapinduzi (CCM) na Diwani wa Kata ya Bulinga Mh. Mambo J. Rebule kutoka (CHADEMA).

Wapiga kura katika Uchaguzi huo (Madiwani) walikuwa 28.

Akitangaza matokeo hayo Msimamizi wa Uchaguzi huo, Mkurugenzi wa Halmashauri ya Wilaya ya Musoma Ndg. John Kayombo alimtangaza Mgombea wa nafasi hiyo  kwa tiketi ya Chama Cha Mapinduzi Mh. Ibrahimundi M. Buruya kuwa mshindi wa Uchaguzi huo.

"Wagombea walikuwa wawili Mh. Ibrahimundi M. Buruya wa CCM na Mh. Mambo J. Rebule wa CHADEMA, wapiga kura walikuwa 28,   kura zilizoharibika hakuna, kura halali 28" alisema Kayombo.

"Katika kura hizo mgombea wa CHADEMA Mh. Mambo J. Rebule     amepata kura 5 na mgombea wa Chama Cha Mapinduzi Mh. Ibrahimundi M. Buruya     amepata kura 23, kwa mamlaka niliyonayo napenda kumtangaza mgombea wa Chama Cha Mapinduzi Mh. Ibrahimundi M. Buruya          kuwa Makamu Mwenyekiti wa Halmashauri ya Wilaya Musoma kwa mwaka  2018/2019" alisema Kayombo.