**HUU NI MTEGO KWA WATUMISHI WA HALMASHAURI YA WILAYA YA MUSOMA**

Posted on: March 11th, 2025

Kamati ya Siasa ya Chama Cha Mapinduzi Wilaya ya Musoma ikiongozana na Mkuu wa Wilaya  Mhe. Juma Chikoka Leo Machi 11,2025 imetembelea miradi mbalimbali ya Maendeleo kukagua utekelezaji wa  ilani ya Chama Kwa Mwaka 2020/2025.

Akikagua Ujenzi wa Ofisi za pembeni(Side Office) katika jengo la makao makuu ya Halmashauri, Mhe. Chikoka amesema,  " Tangu  nianze kazi yangu kama Mkuu wa Wilaya sikuwahi kuona majengo yakijengwa Kwa viwango na ubora wa juu kama hapa katika Halmashauri hii , Kila kitu kipo katika Halmashauri yetu ! Huu ni mtego kwa watumishi katika Halmashauri hii kwani Mhe. Rais anataka kuona  matokeo bora ya utendaji kwa watumishi".

Aidha,  Mkurugenzi Mtendaji wa Halmashauri ya Wilaya ya Musoma Ndg. Msongela Palela amempongeza Mbunge wa Jimbo la Musoma Vijijini Mhe.  Prof.  Sospeter Muhongo kwa kuiomba Serikali Kuu kutoa pesa  kiasi Cha Tshs. 350,000,000 za kujenga Ofisi  16 za pembeni jengo la Makao makuu  kwa ajili ya wataalamu mbalimbali .