KAMPENI YA AFYA NA LISHE KWA MTOTO 2025

UZINDUZI WA KAMPENI YA MWEZI WA AFYA NA LISHE KWA MTOTO – DESEMBA 2025

Kampeni ya Mwezi wa Afya na Lishe kwa Mtoto hufanyika kitaifa mara mbili kwa mwaka, mwezi Juni na Desemba. Kwa mwaka huu kampeni ya mwezi wa Desemba 2025 itaanza rasmi tarehe 1 hadi 31 Desemba 2025.

Kampeni hii inalenga kuboresha afya na ustawi wa watoto nchini kwa kutoa huduma muhimu za kinga na ufuatiliaji wa hali ya lishe.

Huduma zitakazotolewa

Kipindi hiki cha kampeni, watoto walio katika makundi lengwa watapata huduma zifuatazo:

1. Utoaji wa matone ya Vitamini A

   • Kwa watoto wenye umri wa miezi 6 hadi 59.

2. Utoaji wa dawa za minyoo

   • Kwa watoto wenye umri wa miezi 12 hadi 59.

3. Upimaji wa hali ya lishe

   • Kwa watoto wenye umri wa miezi 6 hadi 59, ili kubaini mapema changamoto za udumavu, ukondefu au uzito pungufu.

Mahali zitakapopatikana huduma

Huduma za kampeni zitatolewa kupitia njia mbalimbali ili kuwafikia watoto wote:

• Vituo vya kutolea huduma za afya

• Huduma za kaya kwa kaya (house-to-house)

• Kupitia SALiKi

• Huduma mkoba kwenye maeneo ya mikusanyiko, ikijumuisha pia nyumba za ibada